Hornskrifborð FLEXUS

Skapaðu vinnuvistvænt og heilbrigt vinnuumhverfi með hágæða, hæðarstillanlegum skrifborðum úr FLEXUS húsgagnalínunni!

Með því að þrýsta á einn hnapp getur þú stillt vinnuhæð skrifborðsins og skipt á milli þess að sitja og standa við vinnuna. Kraftmiklir mótorar lyfta og lækka borðið jafnt og þrepalaust svo þú getur lagað það að þinni hæð og líkama.

Með þessu hornskrifborði færðu stærra vinnupláss og getur nýtt hornin betur án þess að taka mikið pláss. Lögun borðplötunnar gerir þér mögulegt að sitja nær borðinu á meðan þú vinnur. Það gefur þér vinnuvistvænni líkamsstöðu og styður betur við handleggina.

Borðplatan er snúanleg og hægt að staðsetja hana á undirstöðunni þannig að hún snúi til hægri eða vinstri handar. Hún er gerð úr viðarlíki og er með slétt, rispuþolið og viðhaldsfrítt yfirborð. Snúrugötin hjálpa þér að hylja snúrur og víra fyrir tölvur og síma þannig að þau liggi ekki á skrifborðinu.

T-laga stálrammi borðsins er duftlakkaður í gráum lit. Borðið er búið klemmuvörn sem nemur hindranir þegar borðið er hækkað eða lækkað og bregst fljótt við og stöðvar hreyfinguna. Hún verndar þannig bæði skrifborðið og annan skrifstofubúnað og lengir líftíma þeirra. Stillitappar tryggja að skrifborðið standi stöðugt á ósléttum gólfum.