Borð ATTUNE

ATTUNE borðið er einstakt húsgagn sem laga má að fjölbreyttum aðstæðum. Það má nota á marga mismunandi vegu nánast hvar sem er, á stórum og litlum skrifstofum, skólum, heimilum og fyrirlestrarsölum. Borðið gefur þér mismunandi húsgögn í einni fyrirferðalítilli einingu.

Hægt er að hækka og lækka ATTUNE borðið á auðveldan hátt með því að þrýsta á fótstig. Borðið hvílir á snúningshjólum, sem gerir auðvelt að færa það til þegar þess þarf. Þar sem ekki þarf rafmagn til að stýra hæðarstillingunni, þarftu ekki að hafa áhyggjur af snúrum og getur því ýtt borðinu þangað sem þess er þörf og læst hjólunum.

Fyrirferðalítil stærð ATTUNE borðsins gerir það fullkomið fyrir heimilisskrifstofur. Burtséð frá því hvar þú sinnir þinni vinnu er mikilvægt að breyta reglulega um vinnustellingu. Með ATTUNE borðinu geturðu notið vinnuvistvænna eiginleika sem fylgja hæðarstillanlegum skrifborðum heima hjá þér og það tekur að auki mjög lítið pláss. Þegar vinnudeginum lýkur geturðu ýtt borðinu til hliðar og hallað plötunni og lækkað þannig að hún taki enn minna pláss.

ATTUNE má einnig nota sem ræðupúlt á fyrirlestrum og ráðstefnum, til dæmis. Ef þú hallar borðplötunni færðu kjörið yfirborð til að stilla upp minnispunktunum. Kantlisti við neðri brúnina heldur pappírunum á sínum stað.