Fullbúinn vinnubekkur TRUST

Hagnýt og fullbúin vinnustöð með mikið geymslupláss fyrir verkfæri, áhöld, íhluti og annað sem þú vilt hafa innan seilingar við vinnuna.

Vinnubekkurinn er með sterka borðplötu sem klædd er með vínyl. Það gefur honum mjúkt yfirborð sem hentar sérstaklega vel fyrir samsetningarvinnu. Hann er höggþolinn og varinn gegn oddhvössum hlutum. Stöðug stálundirstaðan þolir mikla notkun og gerir vinnubekkinn hentugan fyrir krefjandi umhverfi.

Handstillanlegir fæturnir gera þér mögulegt að hækka eða lækka vinnuhæðina þannig að vinnustellingin verði sem þægilegust. Ekki gleyma að bæta við vinnumottu á gólfið til að minnka álagið á fætur, hné, mjaðmir og bak þegar staðið er við vinnuna.

Verkfæraspjaldið bætir skipulagið á verkstæðum og verksmiðjum með því að gefa þér góða yfirsýn og gott aðgengi að verkfærum og búnaði. Smáhlutabakkarnir eru fullkomnir til að geyma nagla, skrúfur og aðra smáhluti og auðvelt er að hengja þá upp á bakslárnar sem fylgja. Hilluna er hægt að setja upp beina eða hallandi, allt eftir þörfum.

Til þess að búa til vinnustöð eftir þínu höfði er auðvelt að bæta við vinnubekkinn mismunandi fylgihlutum, eins og verkfæraskápum og skúffum.