Skrifstofustóll Stirling með háu baki

Þessi einstaklega þægilegi skrifstofustóll hentar mjög vel ef þú þarft að sitja við vinnu allt að 8 tíma á dag. Stólsetan, bakið og höfuðpúðinn eru þykkbólstruð og auðvelt er að stilla hæð þeirra til að finna vinnuvistvænustu stellinguna. Dökkt áklæðið myndar fallegt mótvægi við 5-arma álundirstöðurnar sem eru á hjólum.

Frambrún setunnar er ávöl til að minnka álagið á aftanverð hné og læri. Hátt stólbakið veitir mjög góðan stuðning við allt bakið og umlykur líkamann sem eykur enn frekar á þægindin. Stillanlegur höfuðpúðinn veitir aukinn stuðning við hálsinn og herðarnar. Armarnir eru stillanlegir og draga úr álagi á handleggina og slaka einnig á vöðvunum í hálsinum og öxlunum.

Samstillingarbúnaðurinn í stólnum sér til þess að bæði stólbak og seta fylgja þínum hreyfingum. Hann stuðlar að fjölbreyttari stellingum þegar setið er í stólnum yfir daginn ásamt því að auka blóðflæði um líkamann. Samstillingarbúnaðurinn er auðstillanlegur og hægt að festa í 4 stillingum.

Til að auka enn frekar á þægindin getur þú bætt við fóthvílu til að styðja við fæturnar. Ekki gleyma að kaupa gólfvörn til að verja gólfið gegn óþarfa sliti og álagi!